الكلب ما ياكلها غير امرمدة ( اكرمكم الله )
 |
| مدونة العلواني |
السلام عليكم ورحمة الله
اكيد كل الليبيين يعرفو هذا المثل الشعبي بجدارة .
طبعاً الغير الليبي مايعرف هذا المثل .
إذا تعرف علي المثل الشعبي الليبي الذي يقول
الكلب ما ياكلها غير امرمدة ( اكرمكم الله )
الكلب كلنا نعرف ماهو الكلب ( اكرمكم الله )
عندما تطعم الكلب ( اكرمكم الله ) مهما اعطيته وعاء كبير وغارق
فلن ياكل في هذا الوعاء ومهما كانت تربيته لن ياكل في الوعاء
فسوف ياخذ هذا الطعام خارج الوعاء وهنا يبدا الكلب ( اكرمكم الله )
بستمتع في طعامه ولايستمتع بالاكل حتي يشوه طعمه ومن ثم ياكله .
من هنا جاء المثل الليبي .
الكلب ما ياكلها غير امرمدة ( اكرمكم الله )
اليوم طلعت للمحل واني ماشي للمحل الامور تمام والخطوة مفتوحة
واني امروح كذلك الخطوة مفتوحة وماشى زاهية والامور تمام
في نص الطريق اتفكرت لشي خالتني انبطي من الحركة امتعي
وبدات انفكر وهايم وحسيت الطريق طويلة واتعبت .
والحق خلاني نتشائم والجو اتعكر وبدت السبسي ايولع في التاني
من غير شعور الحق والله شعور اغلب الناس الي زينى ايصيرلها زيني وممكن اكتر
فكرت في ايجار الحوش وان الشهر الجاي
شهر 2 بنبدا ندفع في 350 دينار ايجار الحوش
والراتب 600 دينار بيفضلو 250 دينار
وفي مصروف الحوش ومصروف الصغار الزوز
الله قداش النية طارت من العيشة في البلاد الغبرة هذى .
وزيدها العيشة في الغلاء خبزة شملات حليب صغار خظرة مواد غذائية
وزيدها الراتب ماينزل غير لما تتمرمد
مايوصل فيك المعاش غير لما تتمرمد وتكره نفسك في اليوم مليون مرة
وفوقها مرات تمشى للمصرف مافيش ميزنية الله الله عليك ليبيا .
صدق مراد الليو لما قال
( حاجة اخيه لما بلادك ماتسواش بعت روحك ليها وبعاتك ببلاش )
0 التعليقات